MWENGE WA UHURU WAWASILI MKOA WA TANGA

Imetumwa: October 3rd, 2018

Mwenge wa uhuru umewasili mkoani Tanga ukitokea  mkoa wa kilimanjaro tayari kwa kuanza mbio zake  katika Halmashauri zote za Mkoa wa Tanga kwa kuanzia Halmashauri za  ya Lushoto na Bumbili.Mwenge huo ulipokelewa  mpakani mwa mkoa Tanga na Kilimanjaro katika kijiji cha mkomazi na Mkuu wa  Mkao wa Tanga Mh.Martin Shegella akiongazana na Kamati za ulinzi na usalama za mikoa na wilaya pamoja na viongozi mbalimbali wa chama na serikali katika mkoa humo wakiwemo wabunge wa lushoto bumbuli na mlalo wakuu wa wilaya na wakurugenzi wa Halmashauri zote na wakuu wa idara na vitengo.

Katika Halmashauri ya Lushoto mwenge ulipitia miradi mbalimbali na kuzindua mradi wa kiwanda cha kuchakata zao la mkonge, Kufungu maabara ya sayansi katika shule ya Kwemaramba na kufungua club ya kuzuia rushwa shuleni hapo, pia mwenge ulitembelea mradi wa kuotesha miti ya kupanda kwa ajili ya kutunza mazingira na kutoa cheti wa   "friends of Usambara" . Mwenge wa uhuru alfajiri ya tarehe 4/10/2018 uliendelea na mbio zake katika halmashauri ya Bumbuli na kuhitimisha mbio zaka katika wilaya ya Lushoto tarehe 5/10/2018 na kukabidhiwa katika Wilaya ya Korogwe.