Utumishi na Utawala

 IDARA YA UTUMISHI NA UTAWALA

Idara ya Utumishi na Utawala ni miongoni mwa Idara zilizomo kwenye Halmashauri ya Wilaya ya Lushoto iliyoanzishwa rasmi tarehe 29/06/2017 kutokana na mabadiliko yaliyofanyika katika utekelezaji na mafanikio ya awali ya matakwa ya sheria za Serikali za Mitaa ya Mwaka 1962 kifungu cha 333 iliyopitishwa na Bunge la Tanganyika. Kutokana na ukubwa wa eneo la Kiutawala, Halmashauri ya Wilaya ya Lushoto iligawanywa na kupata Halmashauri mbili zinazojitegemea (Lushoto na Bumbuli) hili lilifanyika Mwaka 2012.

MAENEO YA KIUTAWALA.

Halmashauri ya Wilaya ya Lushoto una Majimbo Mawili (2) ya Uchaguzi, Jimbo la UChaguzi Lushoto na Jimbo la UChaguzi Mlalo, Zipo Tarafa 5 na Kata 33, Vijiji 125, Vitongoji 948 na Mitaa ipatayo 9.

Vilevile Halmashauri ya Wilaya ya Lushoto ina jumla ya Watumishi wa Umma wapatao 3412 ambao wote hawa wapo kwenye Idara zilizopo ndani ya Halmashauri ya Wilaya ya Lushoto, Idara nyingine ni kama vile Afya, Elimu (Msingi na Sekondari)Kilimo, Ushirika na Umwagiliaji, Mifugo na Uvuvi, Ujenzi, Ardhi Maliasili na Misitu, Maendeleo ya Jamii, Fedha na Mipango na Uchumi. Pia vipo vitengo kama vile Sheria, Mazingira, Utawala Bora, TEHAMA, Biashara na Mapato, pamoja na Nyuki.

Idara hizi zote hufanya kazi na kuwajibika moja kwa moja kiutumishi kupitia Idara ya Utumishi na Utawala.

MALENGO YA IDARA.

•  Kuondoa urasmimu ili kuongeza kasi ya utekelezaji katika uendeshaji wa shughuli za Halmashauri
• Kurejesha nidhamu ya Watumishi wa Umma na kubana matumizi kwa kuongeza uwazi na kusimamia sheria, Kanuni, Miongozo na Taratibu za uwajibikaji wa viongozi na Watumishi Umma ili wawajibike kwa Wananchi ambao ndio wateja wa Halmashauri na Waajiri wakuu wa Watumishi wa Umma kwa kupiga Vita rushwa, Ubadhilifu, Ufisadi, Uzembe, ukiukwaji wa maadili, uvivu, Urasimu na Utumishi hewa kwa kuwajibishha wanaojihusisha na vitendo hivyo.

MAJUKUMU YA IDARA.

• Kupokea na kusimamia taratibu za ajira
• Uendeshaji na uelimishaji rasilimali watu
• Kusimamia na kuratibu taratibu za upandishaji vyeo kwa Watumishi wa Umma
• Kushughulikia Maslahi  na stahiki za Watumishi wa Umma
• Kutunza na kuhuisha kumbukumbu za rasilimali watu
• Kutoa huduma za kiutawala na kuhakikisha yanakuwepo Mazingira mazuri na salama ya kufanyia kazi kwa watumishi wa umma
• Kubuni na kutekeleza sera ya usimamizi wa rasilimali watu katika Utumishi wa Umma
• Kupanga Mipango ya Rasilimali watu katika Utumishi wa Umma
• Kutunga na kusimamia utekelezaji wa sera ya serikali
• Kuratibu maboresho katika Sekta ya Umma
• Kuratibu kalenda ya vikao vya Baraza la Waheshimiwa Madiwani, Kamati mbalimbali za Madiwani, Vikao vya Idara vya Maendeleo vya Kata (WDC) Mikutano Mikuu ya Vijiji na Wajumbe wa Serikali ya Vijiji pamoja na Mikutano ya Vitongoji.
• Kupokea malalamiko na kuyatafutia njia za ufumbuzi
• Kushauri watumishi kufanya kazi kwa kuzingatia taratibu, Sheria na kanuni ili kuepuka na kuzuia migogoro

MAMBO MENGINE MUHIMU YANAYOFANYIKA.

Idara ya Utumishi na Utawala ya Halmashauri ya Wilaya ya Lushoto hutekeleza majukumu yake kwa kufuata na kuzingatia kanuni na misingi ifuatayo

•  Kuzingatia utaalamu kwa:-
• Kutoa huduma bora
• Kufanya kazi kwa bidii
• Kutokuwa na upendeleo
• Matumizi sahihi ya taarifa
•  Uaminifu kwa kuwataka Watumishi kutenda kazi zao kwa uadilifu wa hali ya juu
• Kutimiza wajibu kwa kufanya na kuonyesha:-
• Uti kwa Serikali
• Kuwajibika kwa Umma
• Kusheshimu Sheria
•  Njia sahihi za Utunzaji wa kumbukumbu na nyaraka kwa kutumia taratibu zinazotakiwa.

MAFANIKIO YA IDARA:

Kuondoa tatizo la watumishi kutolipwa Mishahara yao kutokana na kuwepo kwa mfumo wa kuwaingiza kwenye Pay roll na kuwafuta ndani ya mfumo wa Pay roll watumishi wanaostaafu kufariki na kuhama.

CHANGAMOTO ZILIZOPO.

Matatizo katika mfumo punde panapotokea kukatika kwa Umeme na Mtandao unapokuwa chini.

DIRA YA HALMASHAURI:-

Kuwa na jamii yenye uwezo wa kufikia huduma bora na endelevu za Kijamii na kiuchumi ili kuwa na maisha bora kwa kila mtu ifikapo Mwaka 2025

DHAMIRA YA HALMASHAURI :

Kutoa huduma bora za kijamii na kiuhcumi kwa kutumia rasilimali zilizopo kupitia Utawala Bora.