KIKAO CHA BARAZA LA MADIWANI WA HALMASHAURI YA LUSHOTO

Imetumwa: April 30th, 2021

Mwenyekiti wa Halmashauri ya Lushoto Mh.Methew Mbaruku  awaongoza madiwani wote wa Halmashauri kwenye kikao cha baraza kilichofanyika katika ukumbi wa Halmashauri tarehe 29/4/2021.  Kikao hicho pia kilihudhuriwa na Mkuu wa Wilaya ya Lushoto  Mh .January Lugangika ,mwakilishi kutoka ofisi ya  RAS Tanga, wakuu wa Idara wakiongoza na Mkurugenzi mtendaji wa Halmashauri ya  Bi.Ikupa Harrison Mwasyoge,Ma maneja kutoka taasisi mbalimbali za serikali kama vile Tanesco,  Luwasa , Mahakama , wawakilishi wa vyama vya siasa  pamoja na baadhi ya wananchi wa wilaya ya Lushoto.

Katika Kikao hicho Mkuu wa wilaya ya Lushoto aliiitolea ufafanuzi wa salamu maaalum ya Jamhuri ya Muungano ya kazi iendelee katika kusimamia uchumi wa kati tulioupata hivi karibuni,mipango yote maendeleo na miradi ya  kimkakati iweze kukamilika kwa wakati,kutekeleza  ilani ya  chama  tawala na ulinzi na usalama. na kufanyakazi kwa bidii na uaminifu. Pia katika kikao hicho aliwasihi madiwani kuhakikisha mikutano yote ya  kisheria katika ngazi ya kata na kijii inafanyika kalingana na ratiba zao na wanahudhuria mikutano hiyo ili kuitolea ufafanuzi baadhi ya hoja.Mkuu wa wilaya pia aliwasihi madiwani  wanasimamia kilimo katika kata zao,wanatatua  migogoro ya wafugaji na wakulima,

 Katika elimu Mkuu  wa wilaya alisisitiza umuhimu wa chakula cha mchana mashuleni hasa hasa shule za msingi na  kuwasihi waheshimiwa madiwani kuwahimiza wazazi kuchangia gharam za chakula kwa watoto wao.Katika kipindi hiki cha baridi wanafunzi washonewe nguo za kuzuia baridi kama vile suruali na ijabu kwa  wanafunzi wa kike na niwajibu  wa wazazi kuhakikisha wanagharamia .Kuhusu miundombinu na vyanzo vya maji vilivyo katika kata zao mkuu wa wilaya ya Lushoto aliwasihi waheshimiwa madiwani wanawaelekeza  wananchi umuhimu wa kutunza miundombinu kwani serikali inatumia fedha nyingi kuijenga.

Kuhusu vyombo vya habari mweshimiwa mkuu wa wilaya aliwashukuru kwa kazi nzuri wanayo ifanya na waendelee kutanga mambo yote mazuri yanayofanywa na Halmashauri.Baada ya salamu za Mkuu wa wilaya taarifa mbalimbali za utekelezaji shughuli za maendeleo katika robo ya tatu ziliwasilishwa na wenyeviti wa kamati  mbalimbali za Halmashauri zikiwemo 

Kamati ya kudhibiti na kupambana na Ukimwi

Kamati ya Elimu Afya na Maji

Kamati ya fedha Uongozi na Mipango

Kamati ya maadili ya wah. Madiwani