KIKAO KAZI CHA MKUU WA WILAYA YA LUSHOTO NA WAKANDARASI WANAOFANYA KAZI NDANI YA WILAYA YA LUSHOTO

Imetumwa: March 25th, 2020

Mkuu wa wilaya ya  Lushoto Mh. Januari Lugangika  ametoa onyo  kali  kwa  makandarasi wote wanaofanya kazi katika wilaya ya lushoto katika  kutekeleza mirandi mbalimbali ya maendeleo alipokutana nao kwenye kikao cha  pamoja na wajumbe wa bodi za zabuni  ili kuhakikisha miradi hiyo ikamilike kwa wakati na ubora unaotakiwa.

Katika kikao hicho  alikemea vikali suala la rushwa kati ya wakandarasi na  bodi zinazotoa  zabuni za  ujenzi, kwani kumekuwa  na  kulegalega kwa  kazi kutokana na kupewa kazi kwa maakandarasi wasio na sifa na kutokuwa na vitendea kazi vya kutosha hali hali inayosababisha kuchelesha kazi au kushindwa kumalizika kwa wakati. 

Ili kukabiliana  na hali hiyo Mkuu  wa wilaya hata sita kuchukua hatua kali  kwa yeyote  atakayejihusisha na vitendo hivyo ikiwa ni pamoja na kumkamata na kumweka ndani pia na  kumfutia leseni yake.Wakati huo Mh. Mkuu wa wilaya  alitembelea hospitali ya  Walaya ya Lushoto ili kujionea mwenyewe eneo lililotengwa  kama  karantini ya  wagonjwa wa corona.Akitoa taarifa ya maadalizi ya kukabiliana na  ugonjwa wa corona Kaimu mganga Mkuu Bi Agnes Kwagilwa  alisema  madaktari wamejipanga  na timu nzima  imekamilika  na huduma zitakuwa masaa 24.

Wakati huo  Mkurugenzi  mtendaji  wa Halmashauri ya wilaya ya  Lushoto  ndg Ikupa Harrison Mwasyoge akimwakilisha  Mkuu wa wilaya ya  Lushoto amakabidhi  vifaa vilivyotolewa na Ofisi ya  Mkuu wa Mkoa  wa Tanga  Kwa  waathirika wa mafuriko  mwishoni mwa  mwaka 2019 katika tarafa ya Mlalo wilayani Lushoto, Vifaa  hivyo ni kama ifuatavyo mchele kilo 100, Maharage kilo 40 ,Mafuta ya kupikia lita 100 , magodoro 61 pamoja na shuka 41

Pia alitoa  angalizo  kwa wananchi wanaoishi mabondeni  kuhama  mara moja ili kuepukana na majanga  yanaweza  kujitokeza  kutoka na mvua  nyingi zinazotarajiwa  kunyesha mwanzoni mwa  mwezi April 2020.Pamoja   na  hayo alisisitiza  kilimo cha matuta/makinga maji ili kuzuia maporomoko ya maji toka  milimani.