MAAZIMISHO YA SIKU YA WANAWAKE KATIKA HALMASHAURI YA LUSHOTO

Imetumwa: March 9th, 2020

Halmashauri ya  wilaya ya Lushoto imefanya maadhimisho ya siku ya wanawake  katika  kata ya Mbwei kijiji cha mbwei kwa lengo la kuchochea maendeleo  katika kata ya mbwei kupitia kauli mbiu  yenye ujumbe  wa mwaka 2020, "KIZAZI CHA USAWA KWA MAEDELEO YA SASA NA BAADAYE." Maadhimisho haya  yanatoa fursa za kuonyesha mafanikio na changamoto zinazowakabili wanawake na jinsi ya kuzitatua kwa kwa kushirikiana na wadau mbalimbali wa maendeleo.Ili kutimiza hazima  hiyo Halmashauri  imefanikiwa kutoa mikopo kwa vikundi 81  vya wanawake  tangu mwaka 1996 -2020 . Kutokana na mikopo hiyo familia za wanawake hao  zimeweza kusomesha watoto wao ,kujenga nyumba bora  na kuongeza kipata.Baadhi ya vikundi vilivyo nufaika na makopo viliweza kuleta bidhaa zao na mifungo na  kuviuza wakati wa  kilele cha sherehe ya siku ya wanawake ambapo mgeni rasmi alipata fursa ya kupitia kila kikundi na kupata maelezo ya jinsi kila kikundi  kinavyo endesha biashara zake hususani utunzaji mzuri wa fedha zinazopatika ili kuzifanya biashara hizo ziwe endelevu.