MKUTANO WA BARAZA LA WAH.MADIWANI WA TAREHE 19/11/2019

Imetumwa: November 22nd, 2019

Mkutano wa baraza  la wah. Madiwani wa Halmashauri ya wilaya ya Lushoto umefanyika tarehe 19/11/2019 na kupokea taarifa mbalimbali  kutoka katika kamati za kudumu za  Halmashauri  kwa kipindi cha  robo ya nne(aprili -june) 2018/2019. Katika kikao hicho kamati  zifuatazo zililiwakilisha taarifa zao kama ifatavyo:-

• Kamati ya  kupambana na kudhibiti Ukimwi
• Kamati ya Elimu, Afya na Maji
• Kamati ya Uchumi, Ujenzi na Mazingira
• Kamati ya Fedha ,Uongozi na mipango
• Kamati ya maadili ya wahe. Madiwani

Katika kikao hicho pia kilihudhuliwa na Kamati ya ulinzi na kamati ya Ulinzi na usalama ikiongozwa na Mkuu wa wilaya ya Lushoto Mh, January Lugangika, Viongozi wa  vyama vya siasa vikiongozwa na mwenykiti wa chama tawala  Mh, Rashid Karata na katibu wake Mh. Mahanyu. Pia kikao hiki kilihudhuliwa na  Msaidizi  wa katibu tawala wa mkoa ambaye anashughulika masuala yote ya serikali za mitaa ndg Kazimoto, Wakuu wa Idara na vitengo   kwa ajili ya kutoa ufafanuzi kwa baadhi ya hoja zilizoibuliwa na madiwani

Katika kikao hicho Mwenyekiti wa Halmashauri Mh. Lucas Shemdolwa aliwakaribisha viongozi wa chama na serikali kutoa salamu zao mabalimbali  akiwemo Mkuu wa Wilaya ya Lushoto. Katika salamu zake Mh.Mkuu wa Wilaya  kwanza alitoa pole kwa wilaya zilizopata maafa ya mafuriko hasa hasa wilaya ya Handeni na Korogwe ,Mapokezi ya fedha kwa ajili ya kukarabati miundombinu ya barabara iliyoharibiwa na  mvua , Hali ya chakula katika  Halmashauri ya Lushoto na bei ilekezi. Pia aliwapogeza wenyeviti wa vijiji na vitogonji waliopita bila kupingwa katika uchaguzi wa serikaliza mitaa unaoendelea  hii inatokana na usimamizi na mafanikiwa ambayo nchi inayoyapata kutoka na uongozi  thabiti wa Rais wa awamu ya tano Mh.Dk John Pombe Magufuli.Pamoja na mafanikio hayo Mkuu wa wilaya ya Lushoto aliwahimiza  watendaji wa vijiji kusoma mapato na matumizi katika vijiji vyao na watendaji ambao hawajafanya hivyo kufanya hivyo kabla ya tarehe 2/12/2019.Pia mkuu huyo wa wilaya alisisitiza semina kwa viongozi wapya ili waweze kujua wajibu wao na mipaka yao ya kazi.

Kuhusu kuhifadhi  hifadhi za mazingira  mkuu huyu wa wilaya  alitoa taarifa  ya uwepo wa miti ya kutosha  kwa ajili ya kupanda maeneo ambayo yako wazi ili kurudishia uota wa asili na kuhimiza kila mtendaji hahakishe anapanda  miti takribani miti 455,000 katika kata yake amabayo tayari ameishaiandaa kwa kushirikiana na wadau wa mazingira wa (friends of Usambara) kazi ni kwenda kuichukua na kuipanda katika maeneo husika.

Kuhusu mikopo kwa wanawake ,vijana  na  watu wenye ulemavu mkuu wa wilaya  aliiangiza Halmashuri kutoa mikopo hiyo kwa kila robo ilikuepuka usumbufu  kwa kipindi cha mwisho wa mwaka

Katika Kikao hicho wenyeviti wa kamati waliwasilisha taarifa zao kisha wajumbe walitoa  michango na maswali yao amabayo yalijibiwa na wenyeviti wa kamati wakisaidiwa na wakuu wa idara husika.Katika  kamati ya kupambana na na kudhibiti ukimwi wajumbe walipewa taarifa ya utekelezaji wa shughuli yakutoa  mafunzo ya kuwaelemisha juu ya jamii kujua afya zao mapema kwa kupima  n, wajumbe  walioji ni watugani walipima na kugundilika wameadhirika.Katika majibu ya swali hilo wajumbe walielezwa na mwenyekiti  wa kamat kwamba elimu inayotolewa ni kuwashawishi watu kupima kwa hiari na majibu ni swali la mtu binafsi na halazimishwi kutangaza.Katika kamati ya Elimu Afya na Maji wajumbe walioji upungufu wa dawa katika hospitali ya wilaya pamoja na watu kuwa na bima ambalo swala hilo mganga mkuu alilitolea ufafanuzi mzuri kuwa dawa zote muhimu (tracer medicine) zipo za kutosha labda zile zamahitaji maalum.Kuhusu mradi wa maji shume kukwama  licha ya miundombinu kukamilika kwa asilimia karibu 80% injinia wa maji alilitolewa  ufafanuzi vizuri tatizo lililokwamisha mradi huo la kodi  limeishatatuliwa na mkandarasi yuko mbio kupeleka vifaa hivyo site kumalizia kazi hiyo . Kikao hicho kilimalizizika  baada ya wajumbe kuridhika na ufafanuzi wa wenyeviti wa kamati na kupitisha taarifa hizo.