MKUTANO WA BARAZA MAALUM LA HOJA LA HALMASHAURI YA LUSHOTO

Imetumwa: June 17th, 2021

 Mkuu wa Mkoa wa Tanga  Mh.Adamu Malima aongoza kikao maalum cha Baraza la Halmashauri ya wilaya ya Lushoto  la kujibu hoja za mkaguzi wa nje(CAG)  kwa mwaka wa fedha 2019/2021  pamoja na maagizo ya  kamati ya  bunge LAAC. Katika kikao hicho  Mkurugenzi mtendaji wa Halmashauri Bi . Ikupa Harrison Mwasyoge  wakati anatoa taarifa fupi ya ukaguzi ulifanywa  na mdhibiti na mkaguzi  mkuu  wa serikali   kwa mwaka  wa fedha 2019/2020 , Halmashauri ya wilaya ya Lushoto ilikaguliwa na kupata HATI SAFI katika ukaguzi wa jumla na ukaguzi wa mradi wa mfuko wa pamoja wa afya unaojulikana kama  (Health Basketi Fund.).Pia katika kikao hicho  Mkurugenzi mtendaji alitoa taarifa ya Hali halisi ya Hati katika matumizi ya fedha za serikali  kwa miaka mitatu mfululizo ambayo imeonyesha Halmashauri ya Lushoto ilikuwa ikifanya vizuri kwa miaka yote mitatu mfululizo kwa kupata HATI SAFI.

Katika taarifa Mkurugenzi mtendaji alibanisha kuwa  mpaka sasa   hoja za  nyuma zimebaki 30  kwa hoja za jumla  na hoja 10 kwa mradi wa  mfuko wa pamoja wa afya unaojulika na kwa lugha ya kigeni (Health Basket Fund), na hoja za  mwaka wa fedha  wa 2019/2020  zikiwa zimebaki 45 katika ukaguzi wa jumla  na hoja 5 katika mfuko wapamoja  wa afya( Health basket Fundi) pamoja na maagizo ya kamati ya Bunge  ya hesabu za serikali ya mitaa(LAAC)  ambazo zimeletwa katika kikao hicho ili zijadiliwe na kutolewa maoni yake na waheshimiwa madiwani.

Katika kikao hicho Mh Mkuu wa Mkoa alisisitiza uwajibikaji wa kila Mtaalamu katika kila sekta  na mgawanyo wa madaraka,kilimo chenye tija kwa wananchi(smart agriculture) .umuhimu wa kutunza mazingira ,utalii wa asili na kupiga marufuku uhamisho wa walimu husio na tija kwa kisingizio cha ugonjwa na baridi.