TANGAZO LA UWEKAJI WAZI DAFTARI LA AWALI LA WAPIGA KURA KUFANYIKA TAREHE 17-20/06/2020

Imetumwa: June 14th, 2020

Msimamizi wa Uchaguzi jimbo la Lushoto na Mlalo, anawatangazia  wananchi wote kuwa, Tume ya Taifa  ya Uchaguzi itaweka wazi Daftari la Awali la wapiga kura kwa siku NNE kuanzia Tarehe

17-20/06/2020 kwenye vituo vyote  vilivyo tumika wakati wa uboreshaji Daftari la kudumu la wapiga kura.

Uwekaji  wazi huu utafanyika kwa kuzingatia tahadhari zote za afya kuhusu kuzuia maambukizi ya ugonjwa wa  COVID-19  unaosababishwa na Virusi vya Corona.

       ZOEZI HILI LITAHUSU :-

• Wapiga kura wote walioandikishwa katika Daftari la kudumu la wapiga kura 2015,walioandikishwa wakati wa uboreshaji wa Daftari la kudumu la wapiga kura awamu ya kwanza nay a pili kwa mwaka 2020.
• Wapiga  kura hawa ni wale  ambao hawakuhakiki taarifa zao wakati wa uwekaji wazi Daftari la Awali la wapiga kura awamu ya kwanza.
• Wapiga kura watakaohakiki taarifa zao kwenye Daftari la Awali la wapiga kura lilipowekwa wazi  na kukuta picha zao hazipo wanatakiwa kwenda kwenye ofisi za Halmashauri ya Wilaya ya Lushoto ili wapigwe picha nyingine na kupewa kadi mpya ya mpiga kura.

       UTARATIBU WA UHAKIKI:-

Mpiga kura anaweza kuhakiki taarifa zake kwa njia zifuatazo:-

• Mpiga kura  mwenyewe kufika  katika kituo  alichojiandikisha na kuhakiki taarifa zake katika orodha itakayokuwa imebandikwa katika kituo hicho.
• Mpiga kura kupitia simu yake ya kiganjani kupiga namba *152*00# na kufuata maelekezo yatakayomwezesha kuhakiki taarifa zake.
• Mpiga kura kupiga simu namba 0800112100 na kufuata maelekezo yatakayomwezesha kuhakiki taarifa zake.
• Mpiga kura kuhakiki taarifa zake kupitia tovuti ya Tume, www.nec.go.tz kwa kubonyeza sehemu iliyoandikwa Uhakiki na kuendelea kufuata maelekezo.

MAMBO YA KUZINGATIA:-

• Daftari la awali la wapiga kura litabandikwa katika vituo vyote vilivyo tumika kuandikisha wapiga kura.
• Iwapo mpiga kura atahakiki taarifa zake kwa kutumia njia yoyote kati ya hizo nne  na kutaka kufanya marekebisho ya taarifa zake atatakiwa kufika Ofisi za Halmashauri ya wilaya ya Lushoto zilizopo Lushoto mjini na kufanya marekebisho.
• Mpiga  anaehitaji kumuwekea pingamizi Mpiga kura asiye na sifa za kuwemo katika Daftari la Awali la wapiga kura  ataenda  katika kituo kilicho psngwa kwenye Halmashauri husika.
• Wapiga kura wanatakiwa kutoa taarifa za ndugu waliofariki dunia ili waondolewe kwenye Daftari la kudumu la wapiga kura.
• ****Katika zoezi hili hakutakuwa na uandikishaji  wa wapiga kura wapya.Aidha,hakutakuwa na uboreshaji wa taarifa za wapiga kura waliohama maeneo yao ya kiuchaguzi,waliopoteza kadi au kadi zao kuharibika****.

**ZOEZI HILI NI LA SIKU NNE TUU,ZINGATIA  MUDA  PIA KUMBUKA KUZINGATIA  KANUNI ZA  AFYA,KWA KUJIKINGA  NA MAAMBUKIZI YA UGONJWA WA CORONA UWAPO KITUONI KWA KUFUATA MAELEKEZO  UTAKAYO PEWA KITUONI ILI KUJIEPUSHA  NA MAAMBUKIZI YA VIRUSI VYA CORONA**